Balalar-Az. Com Mirzə Aləkbər Sabir. Uşaqlara hədiyyə




Yüklə 5.38 Kb.
tarix26.04.2016
ölçüsü5.38 Kb.

Balalar-Az.Com

Mirzə Aləkbər Sabir. Uşaqlara hədiyyə.
Ağacların bəhsi
Alma, palıd, şam ağacı hal ilə
Eylədilər bəhs bu minval ilə:

Başladı tərifə palıd qamətin,


Öydü özün, zorbalığın, halətin;

"Yetməz olur, - söylədi, - dağlar mənə,


Layiq olur fəhr edə bağlar mənə;

Az qala başım yetişir göylərə,


Şax budağım kölgə salıb hər yerə;

Əssə külək, qopsa da tufan, yenə


Əyməyə əsla gücü çatmaz mənə;

Canlacadır, zorbacadır baldırım,


Sındıra bilməz məni heç ildırım!"

Alma ağacı ona verdi cavab:


"Eyləmə tərif özünü, ey cənab!

Zorbadı hərçənd ki, qəddin sənin,


Yox mənə tay olmağa həddin sənin;

Səndə bitər bir neçə vecsiz qoza,


Ancaq o da qismət olur donquza.

Məndə, vəli, yaxşı, gözəl alma var,


Rəngini hər kim görə heyran qalar!

Dadlı, lətafətli, məlahətlidir,


Saplağı incə, özü ləzzətlidir!"

Şam ağacı bildi bu keyfiyyəti,


Söylədi: "Bəsdir, buraxın söhbəti!

Boş danışıqdan nə çıxar, ay balam?


Qış günü siz çılpaq olursuz tamam;

Leyk mənim qışda dəxi yaz kimi,


Yaşıl olur paltarım atlas kimi;

Laziməm ev tikdirən insanlara,


Həm dirəyəm, həm qapı eyvanlara;

Qış sobada xəlq məni yandırar,


Mənfəətim xəlqə mənim çox dəyər".



Balalar-Az.Com


Verilənlər bazası müəlliflik hüququ ilə müdafiə olunur ©www.azrefs.org 2016
rəhbərliyinə müraciət

    Ana səhifə